गौतम नगरी चौफेर संजीव भांबोरे
भंडारा – तालुक्यातील पहेला येथील गांधी विद्यालय व कनिष्ठ महाविद्यालय येथील मुख्याध्यापक योगेंद्र काटेखाये यांच्या शैक्षणिक व सामाजिक क्षेत्रातील कार्याची दखल घेऊन पहेला येथे सन्मान द्या व सन्मान घ्या या प्रेस संपादक व पत्रकार सेवा संघटनेचे राज्य सरचिटणीस सरचिटणीस संजीव भांबोरे यांच्या अभिष्टचिंतन सोहळ्यानिमित्त सामाजिक उपक्रमाचे आयोजन करण्यात आले होते. या कार्यक्रमात विविध सामाजिक क्षेत्रातील डॉक्टर, पत्रकार,सामाजिक कार्यकर्ते, प्रबोधनकार, कवी, शासकीय कर्मचारी, अधिकारी, शाहीर, नृत्यांगना, कलाक्षेत्र व इतर क्षेत्रांमध्ये हे उत्कृष्ट कार्य करतात, त्यांच्या कार्याला गती मिळावी व त्यांना सन्मान मिळावा उदात्त हेतूने सामाजिक क्षेत्रातील कार्यकर्त्याचा भव्य पुरस्कार सत्कार सोहळा सम्यक बुद्ध विहार पहेला येथील प्रांगणात आयोजित करण्यात आला होता. सदर कार्यक्रमात योगेंद्र काटेखाये यांच्या शैक्षणिक सामाजिक सेवेतील कार्याची पावती म्हणून जिल्हास्तरीय उत्कृष्ट शालेय उपक्रमशिल पुरस्काराने सन्मानित करण्यात आले. हे मागील 20 वर्षापासून शिक्षण क्षेत्रात कार्यरत आहेत.
याप्रसंगी डॉ.खुशाल बोपचे माजी खासदार तथा राष्ट्रीय अध्यक्ष अखिल भारतीय ओबीसी बहुजन महासंघ, दैनिक माझा मराठवाडा तथा ज्ञानपंख न्यूज चॅनलचे चे मुख्य संपादक दशरथ सुरडकर, फिल्म अभिनेता अश्विनकुमार वघाले, फिल्म अभिनेत्री चैताली भस्मे, माजी समाज कल्याण सभापती चंद्रशेखर टेंभुर्ण, ब्लू स्टार्म टीव्ही न्यूज चॅनलचे संपादक पत्रकार संजीव भांबोरे व इतर मान्यवरांच्या उपस्थितीत सन्मानचिन्ह, प्रमाणपत्र, पुष्पगुच्छ, पुष्पगुच्छ, मानाचा फेटा देऊन सन्मानित करण्यात आले. शुभदा धुर्वे यांना मिळालेल्या पुरस्काराबद्दल त्यांच्या अनेक च्या त्यांनी त्यांचे अभिनंदन केलेले आहे.
