गौतम नगरी चौफेर (आवारपूर गौतम धोटे) – कोरपना तालुक्यातील पैणगंगा_ वर्धा //इरई नदी घाट परिसरात धानोरा, भोयगाव ,सांगोडा_ विरूर सह विविध भागांत अवैध रेती उत्खनन व तस्करीचा महापूर उसळलेला असून शासनाला कोट्यवधींचा महसुली तोटा सहन करावा लागत आहे. नियम, अटी-शर्ती आणि परवाना प्रक्रियेची पायमल्ली करत, काही पटवारी, व कार्यकरर्ते सह लोकप्रतिनिधींच्या छुप्या आशीर्वादाने रेती माफिया क्रेन, शेकडो ट्रॅक्टर, टिपर व डंपरच्या मदतीने दिवसाढवळ्या रेती उपसा करीत असल्याचे धक्कादायक वास्तव समोर आले आहे.
स्थानिक नागरिकांनी वारंवार तक्रारी आहे. रात्रीच्या अंधारात सुरू होणारी ही वाहतूक केवळ नदीपात्रालाच नाही तर आजूबाजूच्या रस्त्यांनाही पोखरत आहे.
गाडेगाव – विरूर __सांगोडा__आवारपूर – या मार्गावर प्रचंड खड्ड्यांमुळे खासगी तसेच शासकीय वाहनांची वाहतूक ठप्प झाली असून, शालेय विद्यार्थ्यांना प्रचंड हालअपेष्टा सहन कराव्या लागत आहेत. नागरिक व विद्यार्थी अक्षरशः जीव मुठीत घेऊन प्रवास करण्यास बाध्य झाले आहेत. पुरातत्त्व व पर्यावरणीय नियमांनुसार, महत्त्वाच्या ठिकाणांच्या ३०० मीटर परिसरात कोणतेही उत्खनन निषिद्ध आहे. मात्र या नियमालाही पायदळी तुडवत रेती माफिया नदीवरील पूल, पक्के रस्ते आणि निसर्गाचा उघडपणे ऱ्हास करीत आहेत. प्रशासन मात्र याकडे सोयीस्कर दुर्लक्ष करीत असल्याचा आरोप स्थानिक समाजघटक व पर्यावरणप्रेमींनी केला आहे.
या गंभीर पार्श्वभूमीवर, नागरीकांच्या वतीने उपविभागीय अधिकारी, तहसीलदार व पोलीस निरीक्षक यांना मागील वर्षी निवेदन सादर करून तातडीने अवैध रेती उपसा व वाहतुकीवर आळा घालावा, असे गाडेगाव_सांगोडा येथिल नागरिकांनी विनती तोंडी व लेखी निवेदने अनेकदा दिले. तरी मुजोर संबंधित अधिकारी लक्ष देत नसल्याने हा दिवसा राञी रेती चोरिचा प्रकार
असल्यांचा आरोप होत आहे.
COMMENTS