फुगडी – झिम्यानी गाजला कोरपण्याचा मंगळागौर महोत्सव

युवा प्रतिष्ठान व विजयराव बावणे मित्र परिवाराचे आयोजन ; महिलांचा मोठा सहभाग

गौतम नगरी चौफेर  बादल बेले राजुरा  – श्रावण महिन्यातील पारंपारिक उत्सव म्हणून प्रसिद्ध असलेला मंगळागौर सांस्कृतिक महोत्सव युवा प्रतिष्ठान व विजयराव बावणे मित्रपरिवार, कोरपना यांच्या संयुक्त विद्यमानाने रविवार दिनांक २४ रोजी श्रीकृष्ण सभागृह, कोरपना येथे मोठ्या उत्साहात पार पडला. महिलांच्या सहभागाने रंगतदार झालेल्या या महोत्सवात प्रश्नमंजुषा, मंगळागौर सांस्कृतिक समूह नृत्य, गायन, सोलो डान्स, ग्रुप डान्स, विविध खेळ यांच्या बहारदार सादरीकरणाने कार्यक्रमात चांगलीच रंगत आणली. महोत्सवात महिलांनी फुगडी, झिम्मा भरड्या, पोशंपा सारखे पारंपरिक खेळ खेळले. महिलांनी गडगडाटी टाळ्या आणि गाणी गात वातावरण आनंदमय करून भारावून टाकले होते.
याप्रसंगी कोरपना च्या नगराध्यक्ष नंदाताई बावणे, राजुरा पंचायत समितीच्या माजी सभापती कुंदा जेनेकर, ज्योती रेगुंडवार, मालती बोडखे, सुनिता गिरसावळे, धुमाळ आदी प्रामुख्याने उपस्थित होत्या. कार्यक्रमाचे प्रास्ताविक. चारुलता बावणे संचालन रेवती लोडे, लीना गिरटकर तर आभार विशाखा गिरसावले यांनी मानले. कार्यक्रम यशस्वी पार पाडण्यासाठी प्रभा गिरटकर, वंदना वरभे, कल्याणी बावणे, प्रियंका खनके, विद्या खाडे, जया नागपुरे, पायल गिरडकर, प्रिया मोहितकर, प्रीती बुटले, स्मिता बुराण, पल्लवी मालेकरं, सोनु तिजारे,आडकिनेताई, गभणे ताई, उज्वला धारणकर, अश्विनी आस्वले सह युवा प्रतिष्ठान व विजयराव बावणे मित्र परिवार सदस्य यांनी मोठे परिश्रम घेतले. महोत्सवात महिलांची हजारोंच्या संख्येत उपस्थिती होती. सहभागी महिलांना यावेळी पारितोषिक देण्यात आली.