काँग्रेस, शेतकरी संघटना व विजयक्रांती संघटनेचे कार्यकर्ते भाजपात!

गडचांदूरच्या विकासासाठी जनतेची भाजपलाच पसंती; आमदार देवराव भोंगळे यांचे प्रतिपादन.

गौतम नगरी चौफेर (गडचांदूर) – गडचांदूर शहरातील जनतेने शहराच्या सर्वांगीण विकासासाठी आता भाजपलाच पसंती जाहीर केली आहे. आगामी काळात मोठ्या प्रमाणावर याठिकाणी पक्षप्रवेश पार पडणार असून त्याची सुरवात आता झाली आहे. असे प्रतिपादन आमदार देवराव भोंगळे यांनी केले. स्थानिक भाजपा जनसंपर्क कार्यालयात आयोजित केलेल्या विविध पक्षातील कार्यकर्त्यांच्या जाहीर पक्षप्रवेशावेळी ते बोलत होते.

आज सकाळी स्थानिक मा. आ. श्री. सुधीरभाऊ मुनगंटीवार सेवा केंद्र तथा भाजपा जनसंपर्क कार्यालयात काँग्रेस, शेतकरी संघटना व विजयक्रांती कामगार संघटनेच्या अनेक कार्यकर्त्यांनी आमदार देवराव भोंगळे यांच्या नेतृत्वावर प्रभावित होऊन भाजपची वाट धरली.

गडचांदूर शहराच्या सर्वांगीण विकासासाठी आता भाजप हाच एकमेव पर्याय आणि आमदार देवराव भोंगळे यांचे सर्वमान्य नेतृत्व जनतेला पटले असून जनता आशेने त्याचा स्विकार करत आहे. विकासाचा स्पष्ट दृष्टीकोन भाजप-महायुती सरकारच्या कामगिरीतून दिसून येते. आमदार देवराव भोंगळे हे आमदार झाल्यापासून गडचांदूर शहराला विकासाच्या प्रवाहात आणण्यासाठी ते झटत आहेत. त्यामुळे आम्ही भाजपचा पर्याय निवडला; अशी भावना नवप्रवेशित कार्यकर्त्यांनी यावेळी व्यक्त केली.

यावेळी आपल्या मनोगतात आमदार देवराव भोंगळे म्हणाले की, भाजपा-महायुती सरकार हे जनतेचे सरकार आहे. तळागाळातील शेवटच्या समाजघटकाच्या चेहऱ्यावर समाधान निर्माण व्हावा यासाठी देशाचे लोकप्रिय पंतप्रधान मा. नरेंद्रजी मोदी आग्रही असून त्यांच्या मार्गदर्शनाखाली भाजप-महायुतीचे सरकार आज लोककल्याणासाठी तत्पर आहे. त्यामुळेच सामान्य नागरीकांसोबतच विविध राजकीय पक्षांच्या कार्यकर्त्यांनाही आता विकास म्हणजे भाजपा असा आशावाद दिसून येत आहे.
आज विविध पक्षांतील कार्यकर्त्यांनी आमच्या परीवारात सामील होण्याचा निर्णय घेतला; मी त्यांचे मनःपूर्वक स्वागत करतो आणि त्यांच्या माध्यमातून गडचांदूर व गडचांदूरकरांची सेवा व्हावी अशी अपेक्षा व्यक्त करतो असेही ते म्हणाले.

या कार्यक्रमाला कोरपना भाजपचे तालुकाध्यक्ष संजय मुसळे, तालुका महामंत्री सतिश उपलेंचवार, राजुराचे तालुकाध्यक्ष वामन तुराणकर, शहराध्यक्ष अरविंद डोहे, महामंत्री हरीश घोरे, रामकृष्ण मुसळे, महेश घरोटे, विशाल अहिरकर, सचिन आस्वले,  विक्की उरकुडे, वैभव पोटे, रमेश चौधरी, विजयालक्ष्मी डोहे, शितल धोटे, अपर्णा उपलेंचवार, उमा कंठाळे, नैना चौधरी, पूजा वाघमारे यांचेसह अनेकांची उपस्थिती होती.