दुर्गंधी घाण आपणच करा व नगरपरिषदेला उगाच “गावठी” दोष द्या..?

वनविभाग पहाडी निसर्ग स्थळी व्यसनाधीनांची घाण ; सकाळी महिला पुरुष येथे फिरतात •

गौतम नगरी चौफेर संजीव भांबोरे भंडारा – साकोली येथील काही मोजकी जनता “अशिक्षित” सारखी वागत आहे. म्हणजे घाण आपणच करायची आणि नगरपरिषदेला दोषी ठरवायचे.? हा कोणता थोतांडपणा आहे. तर काही दूकानदार जनतेने सुद्धा आपले कर्तव्य काय आहे हे ओळखायला शिका उगाच शासकीय यंत्रणेला गावंढळ सारखे दोषी ठरवू नका. असे समस्त जनतेला व्हीआयपी ग्रुप साकोली मिडिया, व फ्रिडमने आवाहन करीत सांगितले की, यापुढे खबरदार शहरात घाण कराल तर “मिडीया फोटोग्राफी” दणका देऊन नगरपरिषद कडून दंडात्मक कारवाईची तरतूद करण्यात येईल असे बजावले आहे.
              शहरात सेंदूरवाफा पॉलीटेक्निक कॉलेज रोड चौकातील तलाव पाळीवर कुणीतरी अश्याच गावंढळ जनतेने भलेमोठा उरलेला भात व अन्न आणून टाकले. याची माहिती से. नि. मुख्याध्यापिका वंदना पोहाणे यांनी तात्काळ “साकोली मिडीया” कडे दिली. तलाव वार्ड सौंदर्य स्थळावर श्री विश्वकर्मा मंदिर बाजूलाच कुणीतरी भव्य कचरा आणून टाकला. प्रगती कॉलनी चौकात कणीसांचे साल्पट इतरत्र फेकली जातात. हा काय “अशिक्षित” जनतेचा संतप्त प्रकार नाही का.? म्हणजे आपणच जनतेने गावंढळ बनून सार्वजनिक ठिकाणी घाण करायची व नंतर नगरपरिषदेवर त्यांचे खापर फोडायचे. प्रगती कॉलनी चौकात निसर्गरम्य पहाडी रोडवर इतरत्र समोरील काही हॉटेल्स दूकानदारांच्या देशी विदेशी दारूंच्या बाटलांचा खच पडलेला आहे. पावसाळ्यात उग्र वास सुटला. येथे दररोज पहाटे महिला पुरुष फिरायला जातात. यांचे या बेजबाबदार लोकांना काही देणे घेणे नाही. फक्त साकोलीत व्यवसाय करायचा, दारू पिऊ द्यायचे व त्या बाटला मागे वनविभागाच्या रमणीय स्थळांवर आणून फेकायचे. तर सांगायचे आम्ही टॅक्स देतो. हे असले गलिच्छपणा करायला टॅक्स देता का.? असा सवालही व्हीआयपी, साकोली मिडीया व फ्रिडमचे उचलला आहे.
              अश्या काही शिक्षित पण “अशिक्षित” सारख्या करणा-या बेजबाबदार “कचरासेठ” लोक आणि “दारू कचरा सेठ” दूकानदारांना व्हीआयपी ग्रुपचे अध्यक्ष अनिल कापगते, साकोली मिडीयाचे आशिष चेडगे, फ्रिडमचे किशोर बावणे, सामाजिक कार्यकर्ता महेश पोगळे, निसर्गप्रेमी पत्रकार रवि भोंगाणे, ऋग्वेद येवले यांनी आव्हान केले की, तातडीने त्यांनी केलेला कचरा व व्यसनांची घाण तिथून स्वच्छता करावी अन्यथा या सर्व संतापजनक अस्वच्छता जागेची “मिडीया फोटोग्राफी” दणका देऊन नगरपरिषद कडून दंडात्मक कारवाईची तरतूद करण्यात येईल असा इशारा दिला आहे.