गडचांदूर – सार्वत्रिक नगरपरिषद निवडणुकीच्या पार्श्वभूमीवर प्रभाग क्र. 4, येथून निर्दलीय उमेदवार मा. निलेशभाऊ ताजने यांच्या नेतृत्वात  शानदार रॅली व विकाससभा

गौतम नगरी चौफेर //गौतम धोटे //गडचांदूर नगर परिषद  प्रभाग क्र. 4 चे लोकप्रिय उमेदवार यांनी गडचांदूर शहर विकास आघाडीच्या वतीने भव्य रॅली काढण्यात आली. या रॅलीत नागरिकांचा उत्स्फूर्त सहभाग पाहायला मिळाला. रॅलीत मा. निलेशभाऊ ताजने  आणि  प्रभाग क्र. 4 चे उमेदवार श्री. महेश आवारी आणि सौ. संगीता थेरे यांनी नागरिकांशी थेट संवाद साधला.

या भेटीदरम्यान निलेशभाऊंनी प्रभागाच्या सर्वांगीण उन्नतीसाठी पुढील महत्त्वाकांक्षी उपक्रमांची रूपरेषा स्पष्टपणे मांडली—
🔸 आरोग्य, पाणी, रस्ते, ड्रेनेज आणि वीज या पायाभूत सुविधांमध्ये तातडीने सुधारणा
🔸 स्वच्छ आणि सुजलाम-सुफलाम गडचांदूरसाठी विशेष स्वच्छता मोहीम
🔸 महिला व युवकांसाठी केंद्रित कौशल्य प्रशिक्षण उपक्रम
🔸 वृद्ध आणि दिव्यांगांसाठी सुविधा अनुकूल प्रभाग निर्मिती
🔸 शाळा, अंगणवाडी आणि सार्वजनिक सुविधा केंद्रांची उभारणी व सुधारणा

याप्रसंगी नागरिकांनीही आपल्या अडचणी आणि अपेक्षा उत्साहाने मांडल्या, आणि त्यांचे प्रश्न सोडवण्यासाठी निलेशभाऊंनी ठाम व त्वरित कृतीचे आश्वासन दिले.

नागरिकांचा प्रचंड प्रतिसाद, उत्साह आणि विश्वास पाहता, निलेशभाऊ ताजने यांची विकासयात्रा वेगाने पुढे जात असून, प्रभागातील लोकमत त्यांच्या बाजूने मजबूतपणे उभे असल्याचे स्पष्ट दिसत आहे.