‘ एक पेड माँ के नाम ‘ उपक्रमाअंतर्गत वृक्षारोपण संपन्न .

– गोठी परिवाराने वृक्षारोपण करून जपल्या स्मृती.

गौतम नगरी चौफेर (राजुरा 6 डिसेंबर) – राजुरा येथील प्रतिष्ठित नागरिक  नवरतन गोठी यांची धर्मपत्नी रंभादेवी गोठी यांच दिनांक 2 डिसेंबर 2024 ला दुःखद निधन झालं त्यांच्या स्मृतीप्रित्यर्थ ‘एक पेड माँ के नाम ‘ उपक्रमाअंतर्गत पशुवैद्यकीय चिकित्सालय राजुरा येथे गोठी मेडिकल राजुराचे संचालक प्रशांत गोठी यांच्या शुभहस्ते पिंपळ व वड वृक्षाचे वृक्षारोपण करण्यात आले .या प्रसंगी  डॉ सुचिता धांडे , सहाय्यक आयुक्त पशुसंवर्धन राजुरा, डॉ . नरसिंग तेलंगे, पशुधन विकास अधिकारी राजुरा, तालुका लघु पशुवैद्यकीय सर्व चिकित्सालय  राजुरा, श्रेया परळपगार, पशुधन पर्यवेक्षक, अलंकार तामगाडगे परिचर, दिव्या प्रशांत गोठी , दिनबंधू परिवार राजुराचे जेष्ट सदस्य रत्नाकर वनकर व  वृक्षप्रेमी भास्कर करमनकर, राजुरा तालुका संघटक नैसर्गिक पर्यावरण संवर्धन व मानवता विकास संस्था आदिंची प्रामुख्याने उपस्थिती होती .यावेळी  डॉ. सुचिता धांडे  सहाय्यक आयुक्त पशुसंवर्धन राजुरा यांनी या उपक्रमाचे कौतुक केले तसेच नियमितपने वृक्षारोपण करीत असल्यामुळे त्यांनी नैसर्गिक पर्यावरण संवर्धन व मानवता विकास संस्थेचे राजुरा तालुका संघटक वृक्षप्रेमी भास्कर करमनकर यांचं अभिनंदन केले .